Okukungubaga  

Essuula 1

1 Ekibuga nga kitudde kyokka ekyajjulanga abantu! Nga kifuuse okuba nga nnamwandu!
Ekyabanga omukulu mu mawanga, omumbejja mu masaza,
Nga kifuuse kya musolo!
2 Akaaba nnyo nnyini ekiro n'amaziga ge gali ku matama ge;
Mu baganzi be bonna talina n'omu wa kumusanyusa:
Mikwano gye gyonna bamukuusakuusizza,
Bafuuse abalabe be.
3 Yuda agenze mu busibe olw'okubonyaabonyezebwa n'olw'obuddu obuzito;
Abeera mu bannaggwanga, talaba kiwummulo:
Bonna abamuyigganya bamukwatira wabi.
4 Amakubo ga Sayuuni gakaaba, kubanga tewali ajja eri okukuŋŋaana okutukuvu;
Emiryango gye gyonna girekeddwawo, bakabona be basinda:
Bawala be baliko obuyinike, naye yennyini abalagalwa.
5 Abalabe be bafuuse omutwe, abamukyawa balabye omukisa;
Kubanga Mukama amubonyaabonyezza olw'olufulube lw'ebyonoono bye:
Abaana be abato bagenze mu kusibibwa mu maaso g'omulabe.
6 Era omuwala wa Sayuuni afiiriddwa obukulu bwe bwonna:
Abakungu be bafuuse ng'ennangaazi ezitalaba muddo,
Era bagenze nga tebalina maanyi mu maaso g'oyo ayigganya.
7 Yerusaalemi ajjukirira mu nnaku ez'okulabiramu ennaku n'obuyinike
Ebintu bye byonna ebisanyusa, ebyabangawo okuva mu nnaku' ez'edda:
Abantu be bwe baagwa mu mukono gw'omulabe, so nga tewali amuyamba,
Abalabe baamulaba ne bakudaalira okuziika kwe.
8 Yerusaalemi yayonoona nnyo nnyini, kyavudde afuuka ng'ekintu ekitali kirongoofu:
Bonna abaamussangamu ekitiibwa bamunyoomye, kubanga balabye ensonyize:
Weewaawo, assa ekikkowe n'akyuka ennyuma.
9 Empitambi ye yali mu birenge bye; teyajjukira nkomerero ye ya luvannyuma;
Kyavudde akkakkanyizibwa ddala; talina amusanyusa:
Ai Mukama, tunuulira okubonyaabonyezebwa kwange; kubanga omulabe yeegulumizizza.
10 Omulabe agolodde omukono gwe ku bintu bye byonna ebisanyusa:
Kubanga alabye nga bannaggwanga bayingidde mu kifo kye ekitukuvu.
Be walagirako baleme okuyingiranga mu kibiina kyo.
11 Abantu be bonna bassa ebikkowe, banoonya emmere; Bawaddeyo ebintu byabwe ebisanyusa okugula emmere okuweezaweeza emmeeme yaabwe:
Tunula, ai Mukama, olabe; kubanga nfuuse ataliiko ky'agasa.
12 Temufaayo, mmwe mwenna abayitawo?
Mutunule mulabe oba nga waliwo obuyinike bwonna obwenkana obuyinike bwange obukoleddwa nze,
Mukama bw'ambonyaabonyezezza ku lunaku olw'ekiruyi kye.
13 Yaweereza omuliro mu magumba gange ng'ayima waggulu, ne gugawangula:
Ategedde ebigere byange ekitimba, anzizizza ennyuma,
Andeeseeko okuwuubaala n'okuzirika n'okuyongobera okuzibya obudde.
14 Ekikoligo ky'ebyonoono byange omukono gwe gwe gukisibye;
Byezinzezinze, birinnye ku nsingo yange; amazeewo amaanyi gange:
Mukama angabudde mu mikono gy'abo be siyinza kuyimirira mu maaso gaabwe.
15 Mukama anyoomye abasajja bange bonna ab'amaanyi wakati mu nze;
Ankuxlnaanyirizzaako okukuŋŋaana okutukuvu okubetenta abalenzi bange:
Mukama asambye omuwala wa Yuda atamanyi musajja nga mu ssogolero.
16 Olw'ebyo kyenvudde nkaaba amaziga; eriiso lyange, eriiso lyange likulukuta amazzi;
Kubanga omukubagiza eyandisanyusizza emmeeme yange andi wala:
Abaana bange balekeddwawo kubanga omulabe awangudde.
17 Sayuuni ayanjuluza emikono gye; tewali wa kumukubagiza;
Mukama alagidde ebya Yakobo abo abamwetoolodde babeere abalabe be:
Yerusaalemi ali mu bo ng'ekintu ekitali kirongoofu.
18 Mukama mutuukirivu; kubanga njeemedde ekiragiro kye:
Muwulire, mbeegayiridde, mmwe amawanga gonna, mulabe obuyinike bwange:
Abawala bange n'abalenzi bange bagenze mu busibe.
19 Nayita baganzi bange, naye ne bannimba:
Bakabona bange n'abakadde bange baaweerayo obulamu bwabwe mu kibuga,
Nga bwe beenoonyeza emmere okuweezaweeza emmeeme zaabwe.
20 Tunula, ai Mukama; kubanga ndi munaku: emmeeme yange yeeraliikiridde;
Omutima gwange gukyuse munda yange; kubanga njeemye nnyo nnyini:
Ebweru ekitala kinnyaga, mu nju mulimu ng'okufa.
21 Bawulidde nga nzisa ebikkowe; tewali wa kunkubagiza;
Abalabe bange bonna bawulidde ennaku ze ndabye; basanyuse kubanga okireese:
Olireeta olunaku lwe walangirira, nabo balifaanana nze.
22 Obubi bwabwe bwonna butuuke mu maaso go;
Era obakole bo nga bw'onkoze nze olw'okusobya kwange kwonna:
Kubanga ebikkowe bye nzisa bingi, n'omutima gwange guyongobedde.
   

Essuula 2

[Ddayo waggulu]
1 Mukama ng'abisseeko ekire ku muwala wa Sayuuni ng'aliko obusungu! Asudde ku nsi okuva mu ggulu obulungi bwa Isiraeri, So tajjukidde ntebe ya bigere bye ku lunaku olw'obusungu bwe.
2 Mukama amize ennyumba zonna eza Yakobo, so takwatiddwa kisa; Asudde ebifo eby'amaanyi eby'omuwala wa Yuda olw'obusungu bwe; Abikkakkanyizza okutuuka ku ttaka: Ayonoonye obwakabaka n'abakungu baamu.
3 Amazeewo ejjembe lyonna erya Isiraeri ng'aliko ekiruyi; Azzizzaayo omukono gwe ogwa ddyo mu maaso g'omulabe: Era ayokezza Yakobo ng'omuliro ogwaka ennyo, ogwokya enjuyi zonna.
4 Anaanudde omutego gwe ng'omulabe, ayimiridde n'omukono gwe ogwa ddyo ng'omulabe, Era asse bonna abaasanyusanga amaaso: Mu weema ey'omuwala wa Sayuuni mw'afukidde obusungu bwe ng'omuliro.
5 Mukama afuuse ng'omulabe, amize Isiraeri: Amize amayumba gaamu gonna, azikirizza ebifo bye eby'amaanyi: Era ayongedde okuwuubaala n'okukungubaga mu muwala wa Yuda.
6 Era aggyeewo eweema ye lwa maanyi, ng'ey'omu lusuku; Azikirizza ekifo kye eky'okukuŋŋaanirangamu: Mukama yeerabizza mu Sayuuni okukuŋŋaana okutukuvu ne ssabbiiti, Era anyoomye kabaka ne kabona olw'okunyiiga kw'obusungu bwe.
7 Mukama asudde ekyoto kye, atamiddwa awatukuvu we, Awaddeyo mu mukono gw'omulabe ebisenge by'amayumba gaamu: Bayoogaanidde mu nnyumba ya Mukama, nga ku lunaku olw'okukuŋŋaana okutukuvu.
8 Mukama ateesezza okuzikiriza bbugwe ow'omuwala wa Sayuuni; Aleeze omugwa, omukono gwe taguzizzaayo okuleka okuzikiriza: Naye akungubazizza olukomera ne bbugwe; biggweerawo wamu.
9 Emiryango gye gibulidde mu ttaka; azikirizza amenye ebisiba bye: Kabaka we n'abakungu be bah mu mawanga eteri mateeka; Weewaawo, banaabbi be tebalaba kwolesebwa okuvudde eri Mukama.
10 Abakadde ab'omuwala wa Sayuuni batudde ku ttaka, basirise; Batadde enfuufu ku mitwe gyabwe; beesibye ebibukutu: Abawala ba Yerusaalemi bakoteka emitwe.
11 Amaaso gange gaziba olw'amaziga, emmeeme yange yeeraliikiridde, Ekibumba kyange kifukiddwa ku ttaka olw'okuzikirira kw'omuwala w'abantu bange; Kubanga abaana abato n'abayonka bazirikira mu nguudo ez'omu kibuga.
12 Bagamba bannyaabwe nti Etltlaano n'omwenge biri ludda wa? Bwe bazirikira ag'abaliko ebiwundu mu nguudo ez'omu kibuga, Emmeeme yaabwe bw'efukibwa mu kifuba kya bannyaabwe.
13 Kiki kye nnaakutegeeza nga ndi mujulirwa gy'oli? kiki kye nnaafaananya naawe, ai omuwala wa Yerusaalemi? Kiki kye nnenkanya naawe, nkusanyuse, ai omuwala wa Sayuuni atamanyi musajja? Kubanga ekituli kyo kinene ng'ennyanja: ani ayinza okukuwonya?
14 Bannabbi bo bakulabidde okwolesebwa okutaliimu okw'obusirusiru; So tebakunnyonnyodde obutali butuukirivu bwo, okukomyawo obusibe bwo: Naye bakulabidde emigugu egitaliimu n'ensonga ez'okugobebwa.
15 Bonna abayitawo bakukubira mu ngalo; Basooza ne banyeenyereza omutwe gwabwe omuwala wa Yerusaalemi nga boogera nti Kino kye kibuga abantu kye baayitanga nti Obulungi obw'Abatuukirira, Essanyu ery'ensi zonna?
16 Abalabe bo bonna bakwasamidde nnyo akamwa kaabwe; Basooza ne baluma obujigi; boogera nti Tumumize; Mazima luno lwe lunaku lwe twasuubira; tulusanze, tululabye.
17 Mukama akoze ekyo kye yateesa; Atuukirizza ekigambo kye kye yalagira mu nnaku ez'edda; Asudde so tasaasidde: Era awadde omulabe okukusanyukirako, Agulumizizza ejjembe ly'abo abakukyawa.
18 Omutima gwabwe gwakaabira Mukama: Ai bbugwe ow'omuwala wa Sayuuni, amaziga gakulukute ng'omugga emisana n'ekiro; Teweewummuza n'akatono; emmunye y'eriiso lyo terekangayo.
19 Golokoka, okaabe ekiro ebisisimuka we bisookera; Fuka omutima gwo ng'amazzi mu maaso ga Mukama: Yimusa emikono gyo gy'ali olw'obulamu bw'abaana bo abato, Abaagala okufa enjala buli luguudo we lusibuka.
20 Tunula, ai Mukama, olabe bw'ali gw'okoze bw'otyo Abakazi balirya ebibala byabwe, abaana ababuusibwabuusibwa mu mikono gyabwe? Kabona ne nnabbi balittirwa mu kifo ekitukuvu ekya Mukama
21 Omulenzi n'omukadde bagalamidde ku ttaka mu nguudo; Abawala bange n'abalenzi bange ba gudde n'ekitala: Obattidde ku lunaku olw'obusungu bwo; osse so tosaasidde.
22 Oyise entiisa zange okukuŋŋaana okuva enjuyi zonna nga ku lunaku olw'okukuntlaana okutukuvu, So tewali eyawona newakubadde eyasigalawo ku lunaku olw'obusungu bwa Mukama: Abo be nnabuusabuusa n'endera omulabe wange abamazeewo.
   

Essuula 3

[Ddayo waggulu]
1 Nze ndi muntu oyo eyalaba ennaku olw'omuggo ogw'obusungu bwe.
2 Yantwala n'antambuliza mu kizikiza so si mu musana.
3 Mazima tata kundeetako mukono gwe okuzibya obudde.
4 Omubiri gwange n'eddiba lyange abikadiyizza; amenye amagumba gange.
5 Anzimbiddeko n'anneetoolooza omususa n'okulumwa.
6 Antuuzizza mu bifo eby'ekizikiza ng'abo abaafa edda.
7 Ankomedde n'okuyinza ne siyinza kufuluma; azitoyezza olujegere lwange.
8 Weewaawo, bwe nkaaba ne nkuba enduulu okubeerwa, aggalira okusaba kwange.
9 Akomedde amakubo gange n'amayinja amateme, akyamizza empitiro zange.
10 Ali gye ndi ng'eddubu eteega, ng'empologoma eri mu bifo eby'ekyama.
11 Akyamizza olugendo lwange, n'antaagulataagula; ansamaalirizza.
12 Anaanudde omutego gwe, n'anteekawo okuba sabbaawa w'akasaale.
13 Ayingizizza mu mmeeme yange ebiri mu mufuko gwe.
14 Nfuuse eky'okusekererwa eri abantu bange bonna; n'oluyimba lwabwe okuzibya obudde.
15 Anzikusizza obubalagaze, annyiyizza abusinso,
16 Era amenye amannyo gange n'oluyinjayinja, ambisseeko evvu.
17 Era wayawula emmeeme yange okuba ewala n'emirembe; nneerabira omukisa bwe gufaanana.
18 Ne njogera nti Amaanyi gabuze, n'okusuubira kwange okuva eri Mukama.
19 Jjukira ennaku zange n'obuyinike bwange, abusinso n'omususa.
20 Emmeeme yange ekyabijjukira, era ekutamye mu nda yange.
21 Nkijjukira ekyo, kyenvudde mbeera n'okusuubira.
22 Kwe kusaasira kwa Mukama ffe obutamalwawo, kubanga ekisa kye tekiggwaawo.
23 Kiba kiggya buli nkya; obwesigwa bwo bungi.
24 Mukama gwe mugabo gwange, emmeeme yange bw'eyogera; kyennaava mmusuubira.
25 Mukama aba mulungi eri abo abamulindirira, eri emmeeme emunoonya.
26 Kirungi omuntu okusuubiranga n'okulindiriranga obulokozi bwa Mukama ng'ateredde.
27 Kirungi omuntu okusitula ekikoligo mu buto bwe.
28 Atuule yekka asirike, kubanga akimutaddeko.
29 Ateeke akamwa ke mu nfuufu oba nga mpozzi wanaabaawo okusuubira.
30 Awe ettama lye eri oyo amukuba; akkute okuvumibwa.
31 Kubanga Mukama talisuula annaku zonna.
32 Kuba newakubadde ng'aleeta obuyinike, naye alikwatibwa ekisa ng'olufulube lw'okusaasira kwe bwe luli.
33 Kubanga tagenderera kubonyaabonya newakubadde okuluma abaana b'abantu.
34 Okulinnyirira n'ekigere abasibe bonna ab'omu nsi,
35 Okukyamya ensonga y'amuntu mu maaso g'oyo ali waggulu ennyo,
36 N'okulya ensonga, ebyo Mukama tabisiima.
37 Ani oyo ayogera ne kituukirira, Mukama nga takiragidde?
38 Mu kamwa k'oyo ali waggulu ennyo temuvaamu ebibi n'ebirungi?
39 Omuntu omulamu yeemulugunyiza ki, omuntu olw'okubonerezebwa olw'ebibi bye?
40 Tukebere tukeme emitima gyaffe, tulryukire nate eri Mukama.
41 Tuyimuse emitima gyaffe wamu n'engalo zaffe eri Katonda mu gulu.
42 Tusobezza era tujeemye; tosonyiye.
43 Otubisseeko obusungu, n'otuyigganya; osse so tosaasidde.
44 Weebisseeko ekire, okusaba kwafe kuleme okugguka okutuukayo.
45 Otufudde ng'empitambi n'ebisasiro wakati mu mawanga.
46 Abalabe baffe bonna batwasamidde nnyo akamwa kaabwe.
47 Entiisa n'obunnya bitutuuseeko, okunyagibwa n'okuzikirira.
48 Eriiso lyange likulukuta emigga egy'amazzi olw'okuzikirira kw'omuwala w'abantu bange.
49 Eriiso lyange litonnya, terirekaayo, terita n'akatono,
50 Okutuusa Mukama lw'anaatunula wansi n'alaba ng'ayima mu ggulu.
51 Eriiso lyange linakuwaza emmeeme yange olw'abawala bonna ab'ekibuga kyange.
52 Bancoccedde ddala nnyo ng'ennyonyi, ababa abalabe bange awatali nsonga.
53 Bamazeewo obw’amu bwange mu nju ey'ebunnya, era bansuddeko ejjinja.
54 Amazzi gaakulukuta ku mutwe gwange; ne njogera nti Mmaliddwawo.
55 Nakaabira erinnya lyo, ai Mukama, nga nnyima mu nju ey'obunnya eya wansi ennyo.
56 N'owulira eddoboozi lyange; tokisa kutu kwo kussa mukka kwange, okukaaba kwange.
57 Wasembera ku lunaku kwe nnakukaabirira: n'oyogera nti Totya.
58 Ai Mukama, wawoaa ensonga ez'emmeeme yange; wanunula obulamu bwange.
59 Ai Mukama, olabye okujoogebwa kwange; nsalira omusango.
60 Olabye eggwanga lyonna lye bawalana, n'enkwe zonna ze bansalira.
61 Owulidde okuvuma kwabwe, ai Mukama, n'enkwe zonna ze bansalira;
62 Emimwa gy'abo abangolokokerako n'ebyo bye bandowoolezaako okuzibya obudde.
63 Tunuulira okutuula kwabwe n'okuyimuka kwabwe; nze ndi luyimba lwabwe,
64 Olibasasula empeera, ai Mukama, ng'omulimu bwe guli ogw'emikono gyabwe.
65 Olibawa omutima ogukakanyadde, ekikolimo kyo eri bo.
66 Olibayigganya n'obusungu, n'obazikiriza okuva wansi w'eggulu lya Mukama.
   

Essuula 4

[Ddayo waggulu]
1 Zaabu ng'eyonoonese! zaabu ennungi ennyo nnyini nga efuuse! Amayinja ag'omu kifo ekitukuvu gafukibwa buli luguudo we lusibuka.
2 Batabani ba Sayuuni ab'omuwendo omungi, abenkana zaabu ennungi, Nga bayitiddwa nsuwa za bbumba, omulimu gw'emikono gy'omubumbi!
3 Era n'emisege giggyayo amabeere, giyonsa abaana baagyo: Omuwala w'abantu bange afuuse mukambwe nga bamaaya mu ddungu.
4 Olulimi lw'omwana ayonka lwegasse n'ekibuno kye olw'ennyonta: Abaana abato basaba emmere, so tewali abagibegera.
5 Abaalyanga nga beenaanya bawuubaalira mu nguudo: Abaakulira mu ngoye entwakaavu bawambaatira mmungo,
6 Kubanga obutali butuukirivu bw'omuwala w'abantu bange businga obunene ekibi kya Sodomu, Ekyasuulibwa nga mu kaseera, so tewali eyakissaako omukono.
7 Abakungu baali balongoofu okusinga omuzira, baali beeru okusinga amata, Emibiri gyabwe gyasinga amayinja amatwakaavu okumyuka, baali banyirivu nga safiro:
8 Amaaso gaabwe gaasinga ekisiriiza okuddugala; tebaamanyibwa mu nguudo: Eddiba lyabwe lyegasse n'amagumba gaabwe; likaze, lifuuse ng'omuggo.
9 Abattiddwa n'ekitala basinga abo abafudde enjala; Kubanga abo bayongobera nga bafumitiddwa olw'okubulwa ebibala eby'omu ntumiro.
10 Abakazi ab'okusaasira okungi bafumbye abaana baabwe bo n'emikono gyabwe bo; Baabanga ba kulya gye bali mu kuzikirira kw'omuwala w'abantu bange.
11 Mukama atuukirizza ekiruyi kye, era afukidde ddala obusungu bwe obukambwe; Era akumye omuliro mu Sayuuni ogwokezza emisingi gyakyo.
12 Bakabaka b'ensi tebakkiriza, newakubadde bonna abatuula mu nsi zonna, Ng'omulabe n'oyo abakyawa agenda okuyingira mu miryango gy'e Yerusaalemi.
13 Lwa bibi bya bannabbi baamu n'obutali butuukirivu bwa bakabona baamu, Abaayiwa omusaayi gw'abatuukirivu wakati mu kyo.
14 Bawaba ng'abazibe b'amaaso mu nguudo, boonoonese n'omusaayi, N'okuyinza abantu ne batayinza kukoma ku byambalo byabwe.
15 Muveewo, bwe baabalangira, nti Ekitali kirongoofu muveewo, muveewo, temukomako: Ewe badduka ne bawaba, abantu ne boogera mu mawanga nti Tebakyabeera wano nate.
16 Obusungu bwa Mukama bubasaasaanyizza; takyassaayo mwoyo eri bo: Tebatya maaso ga bakabona, tebaganza bakadde.
17 Amaaso gaffe gakyaziba nga tutunuulira okubeerwa kwaffe okutaliiko kye kugasa: Ewe twalindirira twalindirira eggwanga eritayinza kulokola.
18 Bacocca ebisinde byaffe, n'okuyinza ne tutayinza kutambulira mu nguudo zaffe: Enkomerero yaffe eneetera kutuuka, ennaku zaffe zituukiridde; kubanga enkomerero yaffe etuuse.
19 Abatuyigganya basinga embiro empungu ez'omu bbanga: Batucoccera ku nsozi, baatuteegera mu ddungu.
20 Omukka ogw'omu nnyindo zaffe, oyo Mukama gwe yafukako amafuta, yakwatibwa mu bunaya bwabwe; Gwe twayogerako nti Tulituula mu mawanga wansi w'ekisiikirize ky'oyo.
21 Sanyuka ojaguze, ai omuwala wa Edomu abeera mu nsi ya Uzi: Ekikompe kirigguka kirituuka ne ku ggwe; olitamiira ne weebikkula.
22 Okubonereza obutali butuukirivu bwo kutuukiridde, ai omuwala wa Sayuuni; Takyakutwala nate mu busibe: Alibonereza obutali butuukiriw bwo, ai omuwala wa Edomu; Alikunnyonnyola ebibi byo.
   

Essuula 5

[Ddayo waggulu]
1 Jjukira, si Mukama, ebitujjidde: Tunula olabe okuvumibwa kwaffe.
2 Obusika bwaffe bukyuse okuba obw'abanaggwanga, Ennyumba zaffe okuba ez'abatali ba muno.
3 Tuli bamulekwa, so tetulina bakitaffe, Bannyaffe bali nga bannamwandu.
4 Tunywedde amazzi gaffe lwa bintu; Enku zaffe bazituguza.
5 Abatucocca batuuse ku nsingo zaffe: Tukooye so tetuliua kiwummulo.
6 Tubagololedde Abamisiri emikono, N'Abasuuli olw'okukkuta emmere.
7 Bakitaffe baayonoona so tebaliiwo; Naffe twetiase obutali butuukirivu bwabwe.
8 Abaddu batufuga: Tewali wa kutulokola mu mukono gwabwe.
9 Tufuna emmere yaffe lwa kusingawo bulamu bwaffe Olw'ekitala eky'omu ddungu.
10 Eddiba lyaffe liddugadde ng'akabiga. Olw'olubugumu olw'enjala olwokya.
11 Baakwatira abakazi mu Sayuuni, Abawala abatamanyi musajja mu bibuga bya Yuda.
12 Abakungu baawanikibwa n'omukono gwabwe: Abalenzi baasitula olubengo, N'abaana abato beesittala nga beetikka enku. Amaaso g'abakadde tebaagassaamu kitiibwa.
13 Abalenzi baasitula olubengo, N'abaana abato beesittala nga beetikka enku.
14 Abakadde baweddewo mu mulyango Abalenzi baleseeyo okuyimba kwabwe.
15 Essanyu ery'omu mutima gwaffe likomye: Okuzina kwaffe kufuuse okuwuubaala.
16 Engule egudde evudde ku mutwe gwaffe: Zitusanze kubanga twonoonye.
17 Omutima gwaffe kyeguvudde guyongobera; Olw'ebyo amaaso gaffe kyegavudde gayimbaala;
18 Olw'olusozi lwa Sayuuni, olulekeddwawo; Ebibe bitambulira okwo.
19 Ggwe, ai Mukama, obeerera ennaku zonna; Entebe yo ebaawo okuva ku mirembe okutuuka ku mirembe gyonna.
20 Lwaki okutwerabira ennaku zonna, N'otuleka ebiro ebyenkanidde wano?
21 Tukyuse gy'oli, ai Mukama, naffe tunaakyusibwa; Ennaku zaffe ozizze buggya ng'edda.
22 Naye otusuulidde ddala, Otusunguwalidde nnyo.
   

Next
Back